Sergio Aguero është pjesë e Manchester Cityt që nga vera e vitit 2011, kohë kur u ble nga Atletico Madrid për plot 40 milionë euro.
Plot 9 vite me “Citizens” për sulmuesin, të cilit i ka mbetur edhe një vit tjetër në kontratë. Sipas mediave në Angli, Aguero pritet që të mos rinovojë dhe në verën e vitit të ardhshëm të lërë Manchester Cityn për një destinacion surprizë.
“El Kun” do të largohet nga Evropa dhe do të rikthehet te ekipi i tij i fëmijërisë, Independiente. Një zgjidhje e pritshme, por e çuditshme, pasi Aguero është vetëm 31 vjeç dhe vitin e ardhshëm do të jetë 32, një moshë që e lejon ende të luajë në nivele të larta edhe në Evropë.
Gjithsesi, vendimin duket se argjentinasi e ka marrë, pasi edhe trajneri i Independientes është shprehur së fundmi se e di që mund të mbështetet tek Aguero, çka do të thotë se sulmuesi i Cityt ka biseduar me të.