E pabesueshme por e vërtetë! Sipas gazetës së njohur spanjolle “Sport”, Gianluigi Buffon ka refuzuar Barcelona.
Veterani i portës, pasi mbylli aventurën me Juventus, është duke kërkuar një ekip tjetër dhe katalanasit e donin për portier të dytë, por Gigi ka thënë “jo” pasi dëshiron që të jetë protagonist dhe jo të luajë vetëm në ndeshjet e Kupës.
Katalanasit duan edhe sulmues dhe në kushtet që Ousmane Dembele refuzon të rinovojë, Raheem Sterlind i Manchester City është objektivi i ri.
Burimi i lartpërmendur shkruan se anglezi është një dëshirë e madhe e Barcelonës, që nga ana tjetër e di mirë se nuk do e ketë të lehtë.
Që të arrihet te Sterling Barcelona duhet të grumbullojë të ardhura nga shitja e lojtarëve si Philippe Coutinho, Miralem Pjanic dhe Samuel Umtiti.