Interi po mendon që të gjejë zëvendësuesin e argjentinasit Lautaro Martinez. Ky i fundit me shumë mundësi do t’i bashkohet Barcelonës, prandaj dhe drejtuesit zikaltër po mendojnë që të gjejnë zëvendësuesit e tij.
Eksperti i merkatos në Sky Sport, Gianluca Di Marzio, ka treguar se trajneri Antonio Conte u ka treguar drejtuesve se dëshiron të afrojë në skuadër Edinson Cavanit. Një mundësi e leverdisshme, pasi lojtari del si futbollist i lirë në verë.
Uruguiani mund të rikthehet në Serie A pas aventurës me Napolin. Ai me shumë mundësi do të pranojë kalimin tek Interi. Shtatlarti do një eksperiencë të re, pasi është mërzitur në Paris me PSG.
