Pas kualifikimit në turin e katërt të Kupës së Italisë, duke eliminuar Salernitanan me një rezultat të thellë 4-0, tashmë Leçe, që këtë sezon do të luajë në Serie A dhe debuton ndaj Interit në “San Siro”, është duke u munduar që të blejë edhe një sulmues.

Objektivi kryesor është futbollisti i PSG-së, Choupo Moting. Ky i fundit ka vetëm 1 vit kontratë me kampionët e Francës dhe klubi i sheikut ka dhënë “ok” për shitjen e tij për pak para, por në anën tjetër duhet bindur lojtari të ulë pretendimet e rrogës, pasi fiton 2,5 mln euro në sezon te francezët.

Pritet përgjigjia e tij te oferta e Leçes: 1 vit kontratë dhe rinovim për dy vite në rast shpëtimi. Megjithatë, në sytë e të gjithëve është ende gafa e tij ndaj Strasbourg…