Kontrata që skadon në verën e vitit 2021 e bën Hakan Calhanoglu një lojtar që lakmohet nga shumë klube në merkato. Në Bundesligë dhe Angli, mbi të gjitha: rinovimi me Milanin është akoma pezull dhe palët duket se janë afër azhornimit për t’u takuar dhe biseduar, por që kjo temë ende nuk është në rendin e ditës.
Për këtë javë Maldini është me pushime në Spanjë dhe mesfushori në Gjermani, kështu që ndjesia është që ata mund të kthehen për të biseduar me njëri-tjetrin pas mesit të gushtit. Megjithatë, diskutimet për rinovim vonojnë dhe ndaj thirrjet nga klubet e tjera nuk ndalen.
Midis këtyre edhe Manchester United: mundësia për të marrë një lojtar si Calhanoglu me një vlerë të pranueshme në merkato e bën atë një “objektiv konkret”.
Sidomos duke u nisur nga 10 ndeshjet e luajtura pas rihapjes së futbollit, ku paraqitja e turkut me nr.10 te Milani ka qenë fantastike mes golave dhe asisteve.