E ardhmja e Mauro Icardi-t mbetet një mister.
Në orët e kaluara, Inter-i ka refuzuar 60 milionë eurot e ofruara nga Paris Saint-Germain, duke mos hequr dorë nga 70 milionë eurot për të cilët kanë rënë dakord dy klubet në momentin e huazimit të argjentinasit nga francezët.
Kjo situatë mund të shfrytëzohet nga Juventus dhe Milan, dy rivalët e përjetshëm të zikaltërve. Kjo është ajo që shkruan e përditshmja angleze Daily Mail.
Kuqezinjtë besojnë se mund ta bindin argjentinasin me projektin e ri ambicioz, por Juventus mbetet në avantazh për shkak të mundësisë për të përfshirë në një marrëveshje të mundshme kundëroferta teknike.