Real Madridi nuk donte të ndërhynte në merkato, pasi kriza ekonomike nga Covid-19 ka ndikuar shumë në arkat e klubit. Performanca e dobët ndaj Real Sociedadit me ndeshjen e mbyllur me rezultatin 0-0 mund të ndryshojë idetë.
Trajneri Zinedine Zidane ka nevojë për një sulmues, pasi Benzema nuk mund të jetë i vetëm. Luka Jovic nuk bind, Eden Hazard ka rezultuar dështim, pa harruar faktin se nuk është “9” tipik dhe alternativa e mundshme mbetet Edison Cavani.
“El Matador” është ende i lirë dhe Reali nuk duhet të shpenzojë për kartonin e tij. Ish-lojtari i PSG ka eksperiencë të madhe, pavarësisht moshës dhe mund të jetë zgjedhja e duhur për teknikun Zidane.