Nuk është mister, Inter-i është i detyruar të shesë të paktën një nga yjet e ekipit në këtë merkato vere. Favoriti deri më sot është Skriniar, duke parë negociatat e avancuara me PSG-në. Për rreth të 70 milionë euro, siç shkruan Calciomercato.it, operacioni do të realizohet.

Është thënë të paktën një, kjo do të thotë se – si vera e një viti më parë – ‘sakrificat’ mund të jenë edhe dy. Në këtë drejtim, nga Spanja janë kthyer zërat për Barella-n, një tjetër nga pikat e forta të skuadrës së Simone Inzaghi-t.

Pak muaj më parë, mesfushori rinovoi deri në qershor 2026, me një rritje të rrogës në rreth 5 milionë, por kjo nuk e mbron Interin nga ndonjë sulm i madh.

Ashtu si ai i Real Madridit, që për ‘PlanetaRealMadrid.com’ është i pashmangshëm dhe do të kishte një bazë ekonomike prej 70 milionë eurosh.

Sipas faqes spanjolle, kjo është shifra e klauzolës e pranishme në kontratën e re të 25-vjeçarit, i cili dëshiron të qëndrojë tek Inter-i edhe nëse sharmi, perspektiva teknike dhe ekonomike e Real-it të Ancelotti-t mund të bëjë të ndryshojë mendjen e kujtdo, përfshirë atë.