Largimi i Francesco Tottit nga Roma, menjëherë pas Daniele de Rossit, ishte i papritur. Legjenda verdhekuqe doli edhe në një konferencë për shtyp në ambjentet e Komitetit Olimpik Italian, duke u shpjeguar gazetarëve këndvështrimin e tij dhe faktin se drejtuesit e klubit nuk e shihnin si figurë qendrore por thjesht si një "yes man", pra që vetëm qëndronte si "lolo" dhe "ambasador".

Të gjitha zgjedhjet, vendimet i merrnin Baldini dhe Palotta. Kështu, Totti u tërhoq dhe e bëri me një brengë në zemër. Tani, sipas asaj që shkruan portali "Dagospia", ish-kapiteni është gati për luftën personale: të zhdukë Palotta & Co nga Roma!

Në fakt, legjenda verdhekuqe është nisur drejt Katarit për të biseduar në lidhje me investimet e mundshme për Roma. Kryeqyteti i Italisë i intereson sheikëve dhe do të ishte një investim i rëndësishëm, ndërsa figura e Tottit si president është idealja për të ringritur klubin, por ka aspekte të tjera gjithashtu të rëndësishme, ashtu si burokratike, nisur edhe nga kryebashkiakja e Romës, Virginia Raggi, që duhet të japë leje edhe për një stadium të ri dhe shumë gjëra të tjera.

E flakën si leckë bashkë me De Rossin, Totti nis zyrtarisht luftën me Pallotta dhe udhëton drejt Katarit!

07 Gusht 2019

11:02

Lajmet e fundit

Duke marrë artikujt

Lajme nga Roma

Duke marrë artikujt

Lajme të tjera

Lajmet e fundit