German “El Mono” Burgos largohet nga Atletico Madrid. Pavarësisht se kishte edhe 3 vite kontratë, tekniku argjentinas ka vendosur të ndahet nga “El Cholo” për të nisur karrierën si trajner i parë në fund të këtij sezoni.
Për Burgos ekziston mundësia e kthimit në Argjentinë: në rast lamtumire të Gallardo do të marrë stolin e River Plate, edhe pse mundësia më konkrete është të drejtojë Union Santa Fe.
Burgos u bë i famshëm sidomos sepse shihet përherë duke debatuar me arbitrat apo kundërshtarë, një farë “truproje” e Simeones, teksa dikur kërcënoi Jose Mourinhon (“ta pres kokën”) gjatë derbit të Madridit.
