Pas natës më të mirë të viteve të fundit tek Interi, një epokë do të mbyllet. Sipas raporteve nga “La Gazzetta dello Sport”, në fakt, klubi zikaltër mund të ndryshojë emrin e tij së shpejti. Vendimi, marrë nga Suning muaj më parë, do të bëjë që emri “International” të zhduket. Emër me të cilin tifozët kanë qenë gjithmonë shumë të lidhur, i cili do të kthehet në “Inter Milan”.

Ky veprim do të përfshijë gjithashtu një ndryshim të menjëhershëm të logos. Me pak fjalë, do të vdesë një epokë. Edhe shitja e mundshme e aksioneve nga Suning nuk do të çojë në një kthim nga rruga e nisur tashmë, në këtë drejtim.

Klubi zikaltër do të zgjerojë vetveten jashtë Italisë, ku identifikohet si “Inter Milan”. Logoja, e dizajnuar deri tani në vitin e largët 1908, do të stilizohet në një mënyrë më moderne dhe joshëse. Gjithçka duhet të ndodhë në 9 mars, kur zikaltrit do të festojnë datëlindjen e 113-të të historisë së tyre të lavdishme, me një ndryshim të madh.