Milani nuk ia del të sigurojë Champions kundër Cagliarit të shpëtuar nga rënia dhe tashmë do të duhet që fitorja të vijë në Bergamo nëse edhe Juventusi mund Bologna.

Bardhezinjtë e Pirlos prisnin një gabim sot nga Napoli ose Milan, por ndërsa ekipi i Gattusos fitoi ndaj Fiorentina dhe javën që vjen e ka ndaj Verona, kuqezinjtë ngecën në një barazim 0-0 në “San Siro” ndaj Cagliari.

Kështu që tashmë me 1 pikë mbi Juventusin, do të duhen 3 pikë kundër Atalanta që ka siguruar Champions League.

Pak raste për Milanin që tentoi deri në fund dhe mbajti topin por Cagliari u mbrojt mirë. Madje, dy herë iu afrua golit por Donnarumma ishte fantastik.

Agonia kuqezi vazhdon dhe tashmë në 90 minuta luhet i gjithë sezoni…