Fitorja e Leicester City në “Old Trafford” e ngjyrosi Manchesterin me bojëqielli. City, me humbjen e “armikut” ndërqytetas, United, u shpall kampion i Premier League. Është titulli i 7-të në historinë e “qytetarëve” (i 5-ti në epokën e Premier League), të cilët dominuan garën e brendshme pas një gjysme të dytë të patëmetë të sezonit. Pikërisht, një nga përfituesit e mëdhenj të fitimit të kampionatit tri ndeshje para fundit është portieri i tretë i Manchester City.
We happy he's starting tonight blues? 🤩🙌
🔷 #ManCity | https://t.co/axa0klD5re pic.twitter.com/wabAAu3idI
— Manchester City (@ManCity) May 14, 2021
Historia e Scott Carson është kurioze. Në moshën 35 vjeç, ai arriti në “Etihad” gjatë verës së vitit 2019, nga Derby County (Championship – kategoria e 2-të e futbollit anglez). Luajti i huazuar për dy sezone. Sidoqoftë, vetëm më 14 maj 2021, më në fund ishte në gjendje të bënte debutimin e tij zyrtar me Manchester City. Ndodhi në fitoren 4-3 kundër Newcastle. Një shpërblim për një portier që gjithmonë është stërvitur fort dhe në heshtje, sikur të ishte titullar.
Carson është dashur të përballet me dy figura të vështira për të kaluar në pozicionin e tij. Nga njëra anë, Ederson Moraes, portieri i padiskutueshëm titullar dhe një nga më të mirët në Europë. Shifrat e mbështesin atë: dy sezone radhazi si portieri me më pak gola në Premier League. Ndërsa, nga ana tjetër, Zack Steffen shpërtheu. Portieri amerikan, i cili, pak nga pak ka fituar besimin e Pep Guardiolës. Aq më shumë që me të në fushë fituan “Carabao Cup”.
