Pasi u ndane me sherr dhe pasi nuk folen me, Joan Laporta dhe Ronald Koeman u takuan sërish të hënën në një ngjarje për të përkujtuar 30 vjetorin e Kupës së parë Evropiane të Barcelonës.
Një nga momentet më të pritura me padurim ishte ribashkimi, duke qenë se largimi i holandezit si trajner nuk ishte aspak harmonik. Vetë Koeman ka deklaruar më herët se është ankuar për mënyrën se si ndodhi.
Reencuentro entre Joan Laporta y Ronald Koeman (📹 @JosepSoldado) pic.twitter.com/yb4XmRh8zG
— Toni Juanmartí (@tjuanmarti) May 16, 2022
Sipas një videoje nga Jugones, përshëndetja mes të dyve ishte veçanërisht e ftohtë, me vetëm një shtrëngim duarsh të thjeshtë dhe pa bisedë. I pranishëm në këtë aktivitet ishte edhe zëvendësuesi i Koeman në skuadrën e Barcelonës, Xavi Hernandez, të cilit holandezi në disa raste i ka uruar suksese në kohën e tij si trajner i Barcelonës.
“Menjëherë e kuptova që nuk isha trajneri i Laportës. Nuk më zgjodhi ai. Nuk më dhanë të njëjtën kohë që po i japin Xavit. Pastaj më tha një mijë herë se nuk do ta zgjidhte kurrë sepse i mungon përvoja. Megjithatë, jam i lumtur që skuadra po ecën më mirë tani, e shoh edhe De Jong më të përfshirë në lojë”, pati thene Koeman.
Laporta shpjegoi se ai shkarkoi Koeman sepse “situata nuk ishte e qëndrueshme” dhe skuadra “nuk ishte në rrugën e duhur për të arritur objektivat e sezonit, që janë pushtimi i titujve”.
Ai gjithashtu pranoi se duhej ta shkarkonte fillimisht holandezin: “Ndoshta duhet ta shkarkonim Koeman fillimisht dhe unë marr përgjegjësinë për këtë”, tha Laporta. “Ne menduam se ai kishte nevojë për mbështetje, por padyshim që ne po largoheshim