Një lajm i hidhur ka ardhur nga Franca, ku ditën e sotme u nda nga jeta ish-talenti i Akademisë së PSG, Jordan Diakiese, vetëm 24 vjeç. Edhe pse nuk arriti të shkëlqente dhe konfirmohej, futbollisti kishte cilësi të mira, teksa aktualisht luante me FC Furiani.
“Me hidhërim të thellë njoftojmë për vdekjen e futbollistit tonë, Jordan Diakiese. Një futbollist i shkëlqyer, një njeri që gjithmonë buzëqeshte dhe ndihmonte shokët e skuadrës. Klubi ynë është në zi. Ngushëllime familjes dhe miqve”, shkruhej në njoftimin e klubit Furiani.
Diakiese ka veshur dhe fanelën e Francës U-20 dhe U-21.