Dëshira për të stërvitur nuk mbaron kurrë. Ditët e fundit Zdenek Zeman i tha “po” propozimit të Pescara-s dhe në moshën 75-vjeçare është rikthyer në aksion, për të tretën herë do të drejtojë klubin bardhekalter, në vendin e tretë në Serie C. Pak më i madh se Zeman është Edy Reja i cili ështe 77 vjec dhe pasi i dha fund aventurës si trajner i Shqipërisë ka gati kapitullin e ri…
Trajneri friulian ka nënshkruar për ND Gorica, skuadra sllovene e cila zë vendin e fundit në renditje. Ai do të kërkojë një shpëtim që për momentin duket i pamundur. Por Reja do të ulet në stol për të marrë rezultatin e madh. Me të do të jetë Sergio Porrini, ish-mbrojtësi i Juventusit, i cili do të kryejë detyrën e zëvendësit të tij dhe profesor Luigi Febbrari, i cili do të kujdeset për stërvitjet atletike.
E Rejas është një karrierë e pafund trajneri. Ka qenë gjithmonë aty në botën e futbollit. Sepse para se të bëhej teknik ka qenë trajner. Një jetë romani, e çuditshme që nuk i është propozuar ende shkrimi i një autobiografie, duke pasur parasysh se u takua me Pasolinin, të cilin e drejtonte, por edhe Ayrton Senën.
Si futbollist ka veshur fanellat e Palermos, Alessandria dhe Spal, ku e ka nisur me mikun e tij Fabio Capello. Ai ka qenë trajner që nga viti 1979, vitet e para që bëri në Veri-Lindje, më pas mbërriti Pescara dhe nuk u ndal kurrë prej andej. Ai fitoi kampionatet e Serie B me Brescia, Vicenza dhe Cagliari, ai mori Napolin nga Serie C në Europa League. Ai ka qenë edhe trajner i Atalantës, Hajdukut dhe Lacios, me të cilët ka përfunduar në vendin e 4-të dhe të 5-të.
Në katër vitet e fundit ai ka qenë trajner të Shqipërisë, duke u zëvendësuar me brazilianin Sylvinho. Ky është njoftimi për shtyp i ND Gorica, i cili tashmë shpreson të ndryshojë drejtimin e një sezoni mjaft negativ: “Shefi i ri i stafit profesional bardheblu është i famshmi Edoardo “Edy” Reja. një ish famë edhe më e madhe si trajner.Reja lindi në Loçnik nga një baba slloven dhe një nënë friuliane.
[…] Gjatë karrierës së tij të gjatë si trajner, ai drejtoi shumë klube italiane. […]. Së fundi ka qenë selektor i kombëtares shqiptare. Në Nova Goricë do të mbërrijnë edhe ndihmësit e tij Sergio Porrini dhe Luigi Febbrari. Edi, mirë se erdhe dhe suksese.
