Antonio Conte nuk ndryshon! Qoftë nëse luhet një ndeshje kampionati, qoftë nëse luhet në Champions, apo edhe kur është thjesht një test miqësor, i pari në kuadër të përgatitjeve për sezonin e ri.
Interi mundi Luganon 2-1, por trajneri italian ishte protagonisti në stol me thirrjet e tij që dëgjoheshin në të gjithë stadiumin, të bërtiturat, por edhe ndjekja e aksionit me gjestikulacione, duke udhëzuar të tijtë.
Për asnjë moment, Conte nuk ka qëndruar i qetë.
