Ekskluzive: Shehi nuk duron më, i komunikon Takajt vendimin e bujshëm

17 Dhjetor 2018
12:59
back button

Tre humbje rresht, kreu 6 pikë larg, rrëshqitje në vendin e katërt në renditje dhe një lojë e mefshtë: të gjitha këto kanë bërë që "kupa të derdhet" në Korçë dhe trajneri i Skënderbeut, Orges Shehi, të mos durojë më.

"Telesport.al" zbulon se trajneri i korçarëve mbrëmjen e djeshme, pas humbjes kundër Luftëtarit, i ka komunikuar dorëheqjen presidentit Ardjan Takaj. Edhe pse në intervistat pas ndeshjes Shehi ishte i nervozuar me gjykimin, në të vërtetë zhgënjimin më të madh e ka me skuadrën.

Një lojë aspak e mirë, pa nerv dhe me shumë gabime, asnjë reagim as pas humbjeve të fundit dhe një humbje e pafalshme, ndaj një rivali në krizë të thellë, kanë bindur Shehin se është momenti të marrë një vendim drastik, edhe pse duket i nxituar.

Shehi e nisi shumë mirë sezonin, duke bërë gjëra fantastike me një skuadër të rinuar dhe qartësisht jo në nivelin e sezonit të shkuar, pas largimit të shumë emrave me peshë. Edhe pse në eksperiencën e parë si trajner, ish-portieri legjendar bëri zgjedhjen e duhur, sepse ambienti në Korçë është ideal për të punuar, por në një kampionat të egër si ai i yni është e qartë që skuadra e re dhe pa eksperiencë e Skënderbeut do të haste probleme herët a vonë.

Presidenti Takaj nuk ktheu përgjigje mbrëmë, duke kërkuar kohë para se të vendosë, ndërsa sot priten zhvillime të reja. Ndoshta dorëheqja e Shehit do të refuzohet, pasi vendimi është marrë në momente gjaknxehtësie, por klubi nuk ka dalë ende me një vendim.

Telesport është krenar që bashkëpunon me Krowd9, një aplikacion fantastik i futbollit për shqiptarët! Shkarkojeni > bit.ly/krowd9 për video me përmbledhje ndeshjesh, njoftime të menjëhershme për golat dhe të gjitha lajmet e Telesport! Krowd9 është i përdorshëm në shqip, italisht dhe anglisht.

Lajme të tjera

Lajmet e fundit