Mbrojtësi Shkodran Mustafi është grumbulluar me skuadrën e Arsenal, për ndeshjen që “topçinjtë” do të luajnë të enjten në Europa League ndaj Eintracht Frankfurt.
Trajneri Unai Emery e ka përfshirë mbrojtësin gjerman (me origjinë shqiptare) në listën e lojtarëve që kanë udhëtuar sot drejt Gjermanisë.
Këtë sezon, Mustafi nuk ka zbritur asnjë minutë në fushë, teksa konsiderohet i tepërt dhe i padëshirueshëm nga trajneri Emery.
Gjithsesi, nuk dihet ende nëse trajneri spanjoll do t’i japë një shans Mustafit, për ta hedhur në fushë në këtë ndeshje.