Sulmuesi i Manchester City, Erling Haaland raportohet se rrezikon të burgoset në vizitën e tij të radhës në Zvicër për mospagimin e një gjobe.

Ky lajm vjen mes raporteve se City është i gatshëm t’i ofrojë norvegjezit një kontratë të re që do ta bëjë atë lojtarin më të paguar në Premier League.

Sipas gazetës zvicerane Blick, emri i Erling Haaland u shfaq në “fletën e njoftimit zyrtar” të kantonit Vaud më 25 tetor.

Në fletë, u zbulua se sulmuesi i Manchester City është ndëshkuar me një gjobë prej 60 frangash, rreth 65 euro, të cilën ai ende nuk e ka paguar për një kundërvajtje të pazbuluar.

Ndërsa gjoba është thjesht një shumë e vogël, burimi i lartpërmendur raportoi se nëse Haaland nuk e paguan vullnetarisht gjobën, ai rrezikon të vuajë një ditë burg në vizitën e tij të radhës në Zvicër.

Megjithatë, shanset që Erling Haaland të marrë një dënim me burg njëditor në Zvicër janë të ulëta, pasi shuma e gjobës është e parëndësishme.