Gareth Southgate, trajneri i Anglisë, ka publikuar listën e lojtarëve të grumbulluar për ndeshjen e mbrëmjes së sotme kundër Gjermanisë, e vlefshme për javën e fundit të Grupit 3 të Nations League.
I pranishëm në listën e 23 lojtarëve është Ivan Toney i Brentford, ndërsa është lënë jashtë Trent Alexander-Arnold, i cili ka luajtur vetëm 5 nga 31 ndeshjet e fundit të kombëtares para Botërorit.
Përjashtimi i yllit të Liverpool-it ka ardhur pasi ish-legjenda e Chelsea-t, Frank Lebeouf, e ka kritikuar Arnold duke thënë se është një mbrojtës i “nivelit të Championship”.
Ai ka thënë për Journal du Dimanche: “Shikoni Trent Alexander-Arnold. Më pëlqejnë shumë aftësitë e tija sulmuese. Por në mbrojtje, ai është në nivel Championshipi”.
Të përjashtuar nga lista e 23 lojtarëve për ndeshjen e madhe që Tre Luanët do të zhvillojnë mbrëmjen e sotme kundër Gjermanisë janë edhe Fikayo Tomori, Jarrod Bowen, James Ward-Prowse e Jack Grealish (i skualifikuar).