Paul Scholes i ka dhënë një këshillë Manchester United në lidhje me atë që duhet të jetë trajneri i ardhshëm i ekipit.
“Do të më pëlqente të shihja Conte-n ose Pochettino-n në drejtim të Manchester United. Një nga këta të dy”, ka thënë ish-mesfushori në podcast-in Webby & O’Neill.
“E dimë se Conte është në një nivel me Guardiola, Klopp dhe Tuchel. Ky është një fakt. Manchester United i duhet një trajner i tillë. Tifozëve të Tottenham nuk do t’u pëlqejë, por them se United duhet të provojë ta marrë në verë.
“Duket që tani se Conte është i zemëruar me lojtarët e Tottenham, kërkon diçka ndryshe. Te Manchester United mund të bëjë diçka speciale. Mendoj se edhe Pochettino është një trajner i madh. Adhuroj atë që bën dhe atë që ka bërë më parë te Tottenham”.