Djali i Antonio Cassano është lidhur kontraktualisht me Virtus Entella. Christopher, djali i madh i ish-futbollistit të Romës dhe Real Madridit, ndër të tjerë, bashkohet me datëlindjen 2011 të klubit ligurian, që luan në Serie B. Njoftimi u bë nga nëna, Carolina Marcialis, në rrjetet sociale (“kontrata juaj e parë, krenare për ty”). Pastaj Entella përshëndeti ardhjen e djalit të Cassano me një njoftim për shtyp në Twitter:
Alla fine #Cassano è arrivato in #biancoceleste e siamo molto contenti di avere Christopher nella nostra leva 2011. È stata Carolina #Marcialis ad annunciarlo con l’orgoglio della mamma che osserva il suo campioncino firmare il primo contratto tutto davanti a papà Antonio! pic.twitter.com/koJUFSYeqr
— Virtus Entella (@V_Entella) September 15, 2020
“Më në fund, Cassano jr. mbërriti te bardhekaltrit. Jemi shumë të lumtur që e kemi Christopher në grupin tonë të datëlindjes 2011. Ishte Carolina Marcialis, ajo që e njoftoi këtë fakt me krenarinë e nënës, e cila shikon kampionin e saj të nënshkruajë kontratën e parë përpara babait, Antonio”.
Siç bën shaka vetë Virtus Entella, pasi Antonio Cassano ka qenë afër të luajturit për ekipin ligurian, do të varet nga djali i tij 9-vjeçar që ta veshë atë fanellë. Sidoqoftë, “Fantantonio” do të jetë shumë i lumtur, sepse do ta vëzhgojë nga afër djalin e tij.
