Marko Arnautovic dikur mori hua makinën e Samuel Eto’o-s – vetëm që ajo të vidhej nga një shërbëtor i rremë. Të dy luanin bashkë tek Inter në kohën e incidentit në 2010, me Arnautovic që ishte huazuar nga zikaltrit.
Ai sapo kishte dalë në pah te Twente dhe ishte një 20-vjeçar me fytyrë të freskët që kishte nevojë për një makinë luksoze për t’i bërë përshtypje një vajze në një takimi. Kështu që ai i kërkoi Eto’o-s Bentley-n e tij prej 130,000 £ dhe ish-ylli i Barcelonës ishte i lumtur t’ia jepte.
Wesley Sneijder, një tjetër shok skuadre i dyshes në San Siro dhe tani një ambasador i FedEx për Champions League, kujtoi historinë. Ai tha për SunSport:
“Marko Arnautovic ishte me ne tek Inter. Dhe Samuel Eto’o gjithashtu, dhe ai kishte shumë makina të mahnitshme. Një ditë Arnautovic tha: ‘Dëgjo që po shkoj në një restorant, a mund të marr hua një nga makinat tua?’.
“Dhe Eto’o tha sigurisht, kështu që i dha Arnautovic Bentley-n e tij, dhe ai shkoi me makinë në restorant dhe ia dha çelësat një burri që qëndronte jashtë. Hyri brenda dhe pasi doli makina ishte zhdukur! Ai mendoi se ia dha çelësat një punonjësi të lokalit, por ai ishte një mashtrues!”.
Arnautovic pati një periudhë të trazuar tek Inter, ku dëmtimet dhe disiplina e kufizuan atë në vetëm tre ndeshje. Ai u përplas me Jose Mourinhon dhe portugezi e etiketoi atë fëmijë, duke e krahasuar me një tjetër ngatërrestar të Interit, Mario Balotelli-n.
Ish-sulmuesi i West Ham dhe Stoke pranoi se kishte probleme gjatë kohës që ishte në klub dhe nuk e ndihmoi veten me sjelljen e tij. Ai tha: “Problemet me Mourinhon filluan kur dilja pesë herë në javë, pavarësisht se isha i dëmtuar”.
