Përmbysje dhe kundërpërmbysje… Pyunik-Shkupi i pati të gjitha në një 90 minutësh që rezervoi emocione deri në vërshëllimën finale të arbitrit.
Skuadra shqiptare e Maqedonisë së Veriut e nisi në malore këtë transfertë në turin e parë kualifikues të Europa League, duke pësuar gol pas 4 minutash, por u përgjigj më pas me Muharem Bajramin dhe Darko Ilieskin, duke çuar shifrat në 1-2 që në pjesën e parë.
Në pjesën e dytë, falë edhe gafës së portierit të vendasve, Bajrami realizoi me një goditje dënimi nga shumë larg golin e tretë.
Atëherë kur u duk se shkupjanët hodhën hap të rëndësishëm drejt kualifikimit, Pyunik gjeti dy gola brenda 5 minutash duke barazuar 3-3.