Manchester United u mund javën e shkuar nga Arsenali në kampionat dhe duket se po ndjen lodhjen dhe presionin, sepse tashmë është eliminuar nga Kupa FA, duke u mundur 2-1 nga Wolverhampton në çerekfinalen e FA Cup.
Vendasit janë duke kaluar një formë të mirë edhe në kampionat dhe në përgjithësi e dominuan ndeshjen, duke e merituar plotësisht fitoren.
Pas një pjese të parë pa gola, ishte Raul Jimenez, zbulimi i këtij sezoni në Premier League, ai që zhbllokoi rezultatin në minutën e 70-të.
Vetëm 6 minuta më pas, partneri i tij në sulm Diego Jota dyfishoi rezultatin duke vulosur fitoren e madhe të “Ujqërve”.
Rashford u mundua të rikthente të tijtë në lojë, por goli i tij në minutën e 5-të shtesë ishte tepër vonë.
Te të besuarit e Ole Gunnar Solskjaer janë dukur të lodhur dhe pa shumë kreativitet në sulm ndaj një mbrojtjeje të organizuar si ajo e Wolves.
Një rezultat zhgënjyes, por United nuk ka kohë të mërzitet pasi luan në Champions League dhe lufton për një vend mes katër më të mirëve në kampionat.