Presidenti i Real Valladolid, Ronaldo Nazario, i njohur nga të gjithë si "Fenomeni", ka shprehur mbështetjen e tij rreth planeve të La Liga-s për t’i luajtur disa ndeshje në Shtetet e Bashkuara të Amerikës.
Diskutimet rreth këtyre planeve janë kundërshtuar nga një sërë organesh qeverisëse sportive, duke përfshirë FIFA-n, UEFA-n, federatën spanjolle dhe Unionin e Lojtarëve Spanjollë (EFA).
“Unë jam pro tyre por janë tifozët ata që vendosin,” ka thënë Ronaldo të enjten, siç citohet nga “Diario AS”.
“Nëse është diçka e mirë për tifozët që ne të luajmë jashtë vendit, për mua do të ishte një projekt mjaft interesant për klubin dhe markën tonë.
Gjithçka që në bëjmë është për ecurinë e projektit tonë dhe Valladolid duhet të njihet në nivel kombëtar dhe ndërkombëtar.”
Drejtuesit e La Liga-s kishin planifikuar që ndeshja e janarit mes Girona-s dhe Barcelona-s të luhej në Miami, por pavarësisht mbështetjes fillestare të katalanasve, ata janë tërhequr në javët e fundit.
Telesport është krenar që bashkëpunon me Krowd9, një aplikacion fantastik i futbollit për shqiptarët! Shkarkojeni > bit.ly/krowd9 për video me përmbledhje ndeshjesh, njoftime të menjëhershme për golat dhe të gjitha lajmet e Telesport! Krowd9 është i përdorshëm në shqip, italisht dhe anglisht.