Një Super League mes skuadrave më të mira të Europës. Kjo është ideja që qarkullon prej disa kohësh në botën e futbollit.
Kundër kësaj ideje ka dalë hapur ish-trajneri i Manchester United, Alex Ferguson.
“Është një ide që nuk më pëlqen, e menduar vetëm për paratë. Nuk do të ishte tërheqëse për klubet e Premier League, që në këtë moment është kampionati më i mirë në botë, me të ardhura të rëndësishme ekonomike”, ka thënë Sir Alex për Tyc Sports.
“Ndër të tjera, Champions-i është shumë tërheqës për lojtarët, trajnerët dhe tifozët”.