Napoli ka vuajtur, por në fund ka arritur të marrë një fitore të merituar 1-0 kundër Spezia-s në javën e gjashtë të kampionatit italian të futbollit.
Vazhdon momenti magjik i skuadrës së Luciano Spalletti-t, pas fitores së jashtëzakonshme 4-1 të marrë në mesjavë në Champions League kundër Liverpool-it.
VIDEO – GOLI I RASPADORIT – VIDEO
Goli që ka bërë të shpërthejë stadiumin Maradona dhe që i ka dhuruar tri pikë shumë të rëndësishme napolitanëve është realizuar nga blerja e re Raspadori në minutën e 89-të.
Me Giacomo Rasapdori-n kanë shkuar në tetë golashënuesit e ndryshëm të Napoli-t në këtë Serie A, një rekord në këtë kampionat baras me Inter-in.
Falë kësaj fitoreje, Axurrët kanë marrë përkohësisht kreun e renditjes së Serisë A dhe tani kryesojnë të vetëm me 14 pikë.
