Netflix ka lajmëruar një dokumentar të ri që do të flasë për transferimin e famshëm (ose famëkeq) të Luis Figo nga Barcelona te Real Madrid në vitin 2000.
Ky dokumentar do të përmbajë edhe dëshmitë e vetë Luis Figo, Pep Guardiola-s dhe Florentino Perez dhe do të shfaqet 25 gushtin e ardhshëm.
Ajo marrëveshje është përshkruar si tradhtia e shekullit dhe ka shkaktuar shumë zemërim në Katalonjë. Figo u transferua te Barcelona nga Sporting në 1995-ën.
Luís Figo, Florentino Pérez, José Veiga, Joan Gaspart, Paulo Futre… 22 años después, los protagonistas hablan por primera vez del traspaso más polémico de la historia del fútbol. El documental #ElCasoFigoElFichajeDelSiglo llega el 25 de agosto. pic.twitter.com/ibxR5yJflW
— Netflix España (@NetflixES) August 18, 2022
Ai luajti për pesë vite në Camp Nou, gjatë të cilëve fitoi shumë dhe më pas u transferuar në Santiago Bernabeu në verën e vitit 2000.
Portugezi qëndroi për pesë sezone në kryeqytetin spanjoll para se të transferohej në Itali dhe i ka kaluar katër vitet e fundit të karrierës tek Inter-i.
Një nga lojtarët më të mirë në botë gjatë kulmit të karrierës së tij, Figo ka luajtur 127 ndeshje me kombëtaren e Portugalisë dhe ka shënuar 32 gola.