Dy vite pas Tottenham-Liverpoo do të shkojmë përsëri finalen e Champions League të flasë vetëm anglisht. Këtë herë trofeun më të lakmuar do ta diskutojnë Chelsea dhe Manchester City. Ky i fundit për herë të parë në historinë e tij.
Blutë kaluan disa muaj më parë nga duart e Lampard në ato të Tuchel, shumë më me përvojë dhe eliminuan Real Madridin, që konsiderohej favorit në gjysmëfinale, duke siguruar përballjen me ekipin e Guardiolës, i cili nga ana tjetër “vrau” PSG, finalistin humbës të edicionit të kaluar.
Për Chelsea, megjithatë, ajo kundër Manchester City nuk do të jetë finalja e parë angleze, që kur ndodhi e njëjta situatë saktësisht në vitin 2008, kur kundërshtar ishte Manchesteri tjetër, i cili në atë rast iu fal penalltive.
Jo vetem kaq. Edhe në Ligën e Europës, “rreziku” i një finaleje tërësisht angleze është shumë i lartë pas 6-2 të arritur në ndeshjen e parë midis Manchester United dhe Romës, ndërsa Arsenali duhet të rikuperojë 2-1 e gjysmëfinales së parë kundër Villarreal, në fushën e këtij të fundit.
Ajo që del me “kocka të thyera” nga ky edicion europian është Spanja, e cila për të tretin vit radhazi nuk dërgon një përfaqësues të La Liga-s në aktin e fundit të Ligës së Kampionëve. Nostalgji për sezonet në të cilat Barcelona, Real Madridi dhe Atletico Madridi dominuan garën më të lartë europiane të klubeve.
Tani, pas klubeve shumë të pasura të Premier League janë Bayern Munich dhe PSG, finalistët e edicionit të fundit dhe të destinuar ta thonë me të madhe fjalën e tyre në vitet e ardhshme. Ndërsa Italia, e cila u largua nga skena që në 1/8 finale, edhe një herë po e shikon finale nga televizori.