“Anfield” mendoi se Aston Villa kishte arritur barazimin, por ishte vetëm një thashethem. Liverpool-i e bëri punën e tij vonë, duke mposhtur Wolverhampton për t’iu afruar pushtimit të Premier League. “Reds” e përmbysën disavantazhin, por edhe Manchester City bëri të njëjtën gjë, duke e lënë titullin në “Etihad”.

Një nga protagonistët e asaj pasditeje ishte Mohamed Salah. Egjiptiani festoi golin e tij duke besuar se ishte përfundimtar për titullin, por gjithçka shkoi keq me rezultatin në Manchester. Festa u anulua në “Anfield”, sulmuesi egjiptian mori në shtëpi dy trofe personalë: asistuesi dhe golashënuesi më i mirë i sezonit.

Pas kësaj, Liverpool-it i ka mbetur ndeshja e vitit: finalja e Champions League kundër Real Madridit më 28 maj. Pikërisht, vetë Salah ka dashur ta fokusojë vëmendjen te finalja e Parisit qysh në momentin e parë.

Tani, pas humbjes së titullit, Salah donte të tregonte ambicien e tij dhe gjithashtu të dhomës së zhveshjes së Liverpool-it. Humbja dhemb, por nuk e ndryshon planin për të fituar të shtatin Champions te “Reds”. “Ky sezon nuk ka përfunduar ende”, – ka shkruar egjiptiani në llogarinë e tij në Twitter, duke paralajmëruar të gjithë ata që besojnë se do të dorëzohen në finalen e Parisit.

Liverpool-i përjeton një sezon të jashtëzakonshëm. Edhe pse titulli i Premier League i shpëtoi në momentin e fundit, 23 golat e tij e bëjnë Salah golashënuesin më të mirë në kompeticion. Ai gjithashtu shtoi “FA Cup” dhe “Carabao Cup” në këtë sezon, ndërsa shpreson të ngrejë Champions-in e dytë personal për të kurorëzuar një sezon prej 31 golash dhe 15 asistesh me një titull të mrekullueshëm.