Fitoi çmimin “Yashin”; Donnarumma e vendos në kornizë vitin 2021

30 Nëntor 2021
8:36
Alfred Lleshi

Gigio Donnarumma fiton çmimin “Yashin” si portieri më i mirë në botë për vitin 2021. I nominuar gjithashtu për “Topin e Artë”, Donnarumma e mbylli klasifikimin e përgjithshëm në dhjetëshen e parë, i dhjeti, më lart se shokët e tij të skuadrës italiane Chiellini (13), Bonucci (14) dhe Barella (26) ). Vetëm Jorginho rezultoi më i mirë se ai.

Për italianin ky është çmimi i parë i madh individual në karrierë, pas atij të fituar me Italinë katër muaj më parë. Në skenën e “Topit të Artë”, me çmimin “Yashin” në duar, Donnarumma foli kështu:

“Ishte një vit i jashtëzakonshëm për mua, duke filluar me rikthimin tim në Ligën e Kampionëve me Milanin. Më pas Kampionatin Evropian, që ishte i pabesueshëm. Ne gëzuam të gjithë italianët dhe veten. Unë jam pa fjalë duke menduar përsëri për atë emocion të papërshkrueshëm. Pastaj iu bashkova PSG-së dhe jam shumë krenar.

Ishte një shenjë fati, sepse parizienët gjithmonë më ndoqën. Falënderoj presidentin dhe drejtorin Leonardo për besimin e tyre dhe shpresoj t’ua shpërblej në fushë duke dhënë gjithçka për të fituar. Falënderoj familjen dhe të dashurën, vëllain tim që më ndihmon çdo ditë në çdo gjë. I shkon atij një falenderim i veçantë.

Falënderoj gjithashtu të gjithë njerëzit që e bënë realitet këtë ëndërr. Jam ende shumë i ri dhe më duhet të mësoj shumë, ky çmim është fryt i punës së përditshme, i detajeve, i trajnerëve që më kanë ndihmuar dhe aktualëve, që më ndihmojnë të jem më i fortë çdo ditë”.

Ja renditja e çmimit “Yashin”
1. Gigio Donnarumma
2. Eduard Mendy
3. Jan Oblak
4. Ederson
5. Manuel Neuer
6. Emiliano Martinez
7. Kasper Schmeichel
8. Thibaut Courtois
9. Keylor Navas
10. Samir Handanovic

Lajme të tjera

Lajmet e fundit