Manchester United ka fituar edhe testin e dytë miqësor. Këtë herë mundën 4-0 Leeds United, por në “Opus Stadium”, në Australi.

Në këtë sfidë trajneri Solskjaer hodhi formacionin më të mirë në fillim dhe vetëm pas 7 minutash lojë talenti Greewood shënoi golin e avantazhit, falë një trekëndëshi të bukur të iniciuar nga Pogba dhe i asistuar nga Wan-Bissaka.

Pas 20 minutash ishte radha e Marcus Rashford, i cili përfitoi nga një kundërsulm duke shënuar golin e dytë. Sulmuesi anglez dribloi mjeshtërisht qendërmbrojtësin e Leeds, madje e përplasi edhe me shokun e skuadrës, ashtu siç bënte Ricardo Kaka ndaj Manchester United vite më parë.

Në pjesën e dytë trajneri norvegjez hodhi 11 lojtarë të tjerë në fushë dhe pas 6 minutash lojës Phil Jones shënoi golin e tretë, për të vijuar me Martial, i cili shndërroi në gol një penallti të fituar nga i riu Chong.

Kjo është fitorja e dytë për “Djajtë e Kuq”, pasi pak ditë më parë fituan 2-0 ndaj australianëve të Perth Glory, me golat e Rashford dhe Garner.

Fitore e pastër e Man. United, Rashford gol “alla Kaka” (VIDEO)

17 Korrik 2019

15:07

Lajmet e fundit

Duke marrë artikujt

Lajme nga Manchester United

Duke marrë artikujt

Lajme të tjera

Lajmet e fundit