Në Botërorin e notit që po zhvillohet neë Hungari për pak sa nuk është verifikuar një dramë në pishinë, në garat e notit të sinkronizuar. Notarja Anita Alvarez është ndjerë keq teksa garonte dhe ka përfunduar në fund të pishinës. Ajo shpëtoi falë ndërhyrjes së trajneres së kombëtares amerikane Andrea Fuentes, që u hodh pa u menduar dy herë në pishinë.
Duke folur për “Marca”, trajnerja spanjolle shprehet: “Ishte një tronditje e madhe. U zhyta në pishinë pasi pashë që Anita, në vend që të ngjitej lart po zbriste poshtë. Vura re që asnjë nga personat e ndihmës së shpejtë nuk po reagonte dhe të zhytej për ta shpëtuar, ndaj veprova vetë”.
“U tremba, pasi pashë që nuk po merrte grymë, por tani është shumë më mirë. Mendoj se ka qëndruar rreth 2 minuta pa marrë frymë, pasi mushkëritë i kishte të mbushur me ujë. Por arritëm ta shpëtojmë. Kur u kollit nxori ujin, por frika ishte e madhe”, u shpreh më tej Fuentes.
Trajnerja ka kritikuar rojet e pishinës dhe të ndërhyrjes së shpejtë për mos reagim gjatë kësaj ngjarje. “Pashë personat e ndërhyrjes së shpejtë, por ata ishin të hutuar. Nuk reagoi asnjëri. Pyeta veten a do të hidhet njeri? Reagova menjëherë, pasi nuk mund të rrija duke parë. nuk e mendova dy herë dhe u zhyta”, tha trajnerja Andrea Fuentes.
“E mora në krahë dhe nisa të ngre sipër, por ishte shumë e rëndë. Nuk ishte e lehtë. Tani Anita është më mirë. Mjekt kryen një kontroll dhe të gjithë parametrat jetësorë janë normal. Sporti ynë nuk ëhstë ndryshe nga të tjerët”, tha Fuentes.