Në Kinë, vijon Kampionati Botëror i Basketbollit për meshkuj, turne ku po luhet faza e dytë e grupeve. Në takimet e luajtura sot, spikat fitorja e Amerikës, 69-53 ndaj Greqisë. Te skuadra greke luante MVP i sezonit të kaluar në NBA, Giannis Antetokounmpo, por kjo nuk mjaftoi. Kolektiviteti i ekipit amerikan bëri diferencën, duke e merituar fitoren. Falë këtij suksesi, Amerika e trajnerit Gregg Popovich shkon në fazën çerekfinale.
Fitoi edhe Çekia, që mundi 93-71 Brazilin, ndërsa Australia mposhti 82-76 Republikën Domenikane. Në çerekfinale shkon edhe Kanadaja, që mposhti me lehtësi 126-71 Jordaninë, ndërsa Gjermania triumfoi pa shumë probleme ndaj Senegal me shifrat 89-78. Fitore në sekondat e fundit korri kombëtarja e Francës, që mundi 78-75 Lituaninë, një përballje mes dy ekipesh rivale.
Grupi K
Brazil – Republika Çeke, 71-93
Amerikë – Greqi, 69-53
Grupi L
Australi – Republika Domenikane, 82-76
Francë – Lituani, 78-75
Grupi O
Zelandë e Re – Japoni, 111-81
Turqi – Mali i Zi, 79-74
Grupi P
Kanada – Jordani, 126-71
Gjermani – Senegal, 89-78