Andre-Pierre Gignac vijon karrierën e tij në Meksikë, me skuadrën e U.A.N.L Tigres dhe në ndeshjen e fundit për League Cup, atë kundër Real Salt Lake u bë protagonisti i një momenti komik.

Sulmuesi francez u hodh në fushë në minutën 78’ dhe në një moment nisi një sulm të shpejtë në krah, ku mes këmbëve të tij kaloi një mace, që për të mirën e tij e “dribloi” me sukses dhe nuk ia prishi aksionin.

Në vijim të aksionit 33-vjeçari arriti të depërtojë deri brenda zone, por në fund kur u bë gati të godiste, nuk arriti të koordinohet si duhet dhe u rrëzua duke e dërguar topin jashtë në mënyrë amatore.