Gjysmëfinalet e Ligës “Gjergj Kastrioti”: Drita eliminon Tiranën, në finale ndaj Skënderbeut

1 Mars 2024
19:22
Telesport
back button

Skënderbeu dhe Drita janë dy skuadrat finaliste të Ligës Gjergj Kastrioti në volejboll për femra, turneu ndërkombëtar mes skuadrave më të mira nga Shqipëria e Kosova. Në Korcë, u luajtën sot dy sfidat gjysmëfinale, që përcaktuan ekipin vendës dhe atë kosovar si më të mirat.

Drita preu e para një biletë për në finale, pas fitores 3-2 ndaj Tiranës, në një ndeshje që zgjati dy orë (10-25, 25-23, 19-25, 25-12, 15-13). Dy herë bardheblutë kaluan në avantazh, por po dy herë u arrit nga rivalet kosovare, që më pas triumfuan edhe në setin e pestë, duke kaluar në finalen e së dielës.

Më e lehtë fitorja e Skënderbeut, që para publikut të tij nuk zhgënjeu. Korcaret fituan 3-0 (25-16, 25-15, 25-12) ndaj Partizanit, duke përsëritur rezultatin e pak ditëve më parë në Kupën e Shqipërisë. Ndeshje e dominuar nga lojtaret vendase, që e dominuan sfidën ndaj mikeshave nga kryeqyteti.

Gjysmëfinale-Femra

Skënderbeu – Partizani, 3-0

Tirana – Drita, 2-3

Finale-Femra

3 mars, Skënderbeu – Drita, 18:00

Gjysmëfinale-Meshkuj

2 mars, Tirana – Ferizaj, 15:00

2 mars, Partizani – Peja, 18:00

Lajme të tjera

Lajmet e fundit