Teuta po bën një merkato të mirë, pasi para pak momentesh zyrtarizoi dhe afrimin më të fundit. Bëhet fjalë për ish-mesfushorin e Luftëtarit, Albano Aleksin.
Ai ka firmosur me durrsakët dhe është prezantuar nga klubi ditën e sotme. Shtatshkurtri u largua nga Luftëtari me polemika, ndërsa tani do të vihet nën urdhrat e trajnerit Bledi Shkëmbi për të luajtur me skuadrën në Europa League.
26-vjeçari do të nisë një tjetër kapitull në karrierën e tij. Ky është afrimi i katërt për skuadrën e Teutës në merkaton e verës.