Kampionati Shqiptar

Shënon nga mesfusha, shijoni golin e çmendur të Faton Toskit (video)

Ndeshja Vllaznia-Laçi ka nisur të luhet në orën 14:00, në “Reshit Rusi”. Kurbinasit e Ramadan Ndreut ia kanë dalë që të gjejnë golin e parë në këtë kampionat pikërisht në javën e 7-të, në transfertën shkodrane.

Ndeshja Vllaznia-Laçi ka nisur të luhet në orën 14:00, në “Reshit Rusi”. Kurbinasit e Ramadan Ndreut ia kanë dalë që të gjejnë golin e parë në këtë kampionat pikërisht në javën e 7-të, në transfertën shkodrane. Dhe çfarë goli, do të thoni ju? Gol nga mesfusha, përmes goditjes së lirë. Topi i adresuar në portën e Agoviç, i dalë paksa nga porta e tij, ka marrë një trajektore të pabesueshme, duke përfunduar direkt e në rrjetë.

Një moment që tejkalon deri edhe ligjet e fizikës, që ndodh shumë rrallë në fushat e futbollit, por ja që Faton Toski, kapiteni i bardhezinjve, e ka bërë realitet në kampionatin shqiptar. Me siguri, një gol që do të mbetet gjatë në memorien e tifozëve kurbinas, të vetë lojtarit, por edhe të gjithë dashamirësve të futbollit në vendin tonë. Fjalët janë të tepërta, ndaj më mirë shikojeni në video këtë gol, i denjë për antologjinë e futbollit botëror.

Më shumë nga Kampionati Shqiptar