Golden State del nga kriza, fitojnë edhe Clippers e Lakers

11 Dhjetor 2018
8:32
Telesport
back button

Golden State duket se ka kaluar krizën dhe ka korrur sot fitoren e 4-t radhazi në NBA, duke mundur 116-108 Minnesota. Një sukses i merituar i skuadrës së Warriors, që patën një avantazh prej 10 pikësh gjatë gjithë kohës, sfidë ku u dalluan Curry me 38 pikë, Thompson me 26 e Durant me 22 pikë, një trio që është rikthyer në kohët e arta. Koha shtesë i ka buzëqeshur ekipit të Clippers, që mundi 123-119 Phoenix në fushën e këtij të fundit, ndeshje me rivalitet dhe emocione deri në fund, ku të dyja ekipet dueluan fort për fitoren. Harris realizoi 33 pikë për kalifornianët, mbështetur edhe nga Gallinari me 25, duke qenë vendimtarë për ekipin e tyre.

Fiton edhe skuadra tjetër e Los Anxhelosit, ajo e Lakers, që mundi me vështirësi 108-105 Miami, sfidë e ekuilibruar dhe e hapur deri në fund. Të dyja skuadrat dhuran spektakël në fushë, me Kuzma që realizoi 33 pikë e James 28 pikë e 12 asist, më të mirët në fushë për Lakers, ndërsa 28 pikët e Winslow mbetën për statistikë. Në kryë të renditjes në Konferencën e Perëndimit qëndron ekipi i Oklahomës, që mundi 122-113 Utah Jazz, ndeshje e komanduar nga basketbollistët e Thunder, me 6 lojtarë që realizuan mbi 10 pikë (Mitchell më i miri me 19 pikë). Fiton edhe ekipi i Milwaukee, që mundi 108-92 Cleveland falë 20 pikëve e 12 rebound të Bledsoe.

NBA – Rezultatet e sotme

Indiana – Washington, 109-101

Philadelphia – Detroit, 116-102

Boston – New Orleans, 113-100

Chicago – Sacramento, 89-108

Milwaukee – Cleveland, 108-92

Oklahoma – Utah Jazz, 122-113

Dallas – Orlando, 101-76

Denver – Memphis, 105-99

Phoenix – Clippers, 119-123

Golden State – Minnesota, 116-108

Lakers – Miami, 108-105

Telesport është krenar që bashkëpunon me Krowd9, një aplikacion fantastik i futbollit për shqiptarët! Shkarkojeni > bit.ly/krowd9 për video me përmbledhje ndeshjesh, njoftime të menjëhershme për golat dhe të gjitha lajmet e Telesport! Krowd9 është i përdorshëm në shqip, italisht dhe anglisht.

Lajme të tjera

Lajmet e fundit