Ky është gëzimi i parë bardhekaltër për Vedat Muriqi, edhe nëse në realitet flitet për një autogol nga Colombi. Sidoqoftë, goditja me kokë e kosovarit ishte vendimtare dhe sulmuesi do ta mbajë mend këtë gol për një kohë të gjatë. Nga tribuna e stadiumit, Ciro Immobile, gjithashtu bëri tifo për partnerin e tij në sulmin e Lazio, duke postuar një “history” në Instagram. “Grande Vedat”, – shkruajti ai.
Pas ndeshjes, Vedat Muriqi foli për “Rai Sport”, i lumturuar nga goli i parë bardhekaltër, më në fund: “Goli im i parë këtu është një gëzim i madh. Jam i lumtur, por duhet të vazhdoj në këtë rrugë”.
