Mesa duket Arsenal ka shfaqur interes për Mario Gotze, këtë e raporton gjermania Bild.
Lojtari i përfaqësueses gjermane aktualisht nuk po gjen akordin me Borussia Dortmund për një rinovim të kontratës e cila skadon më 2020.
BVB kërkon të rinovojë me 26-vjeçarin, megjithatë kërkon ta ulë rrogën e lartë të lojtarit që aktualisht fiton 10 milionë euro në vit.
Ndërkohë tek Arsenal ai do të fitonte më shumë. Gotze ka zhvilluar një sezon të mirë nën drejtimin e Favre, duke bërë që problemet shëndetësore të fantazistit të harrohen.
Gjithsesi, nuk është e sigurt që Gotze do të pranonte një ulje rroge nga klubi i fëmijërisë, duke parë që diku do të fitonte akoma më shumë.