Përfaqësuesja e Kosovës dhe ajo e Greqisë kanë publikuar tashmë formacionet zyrtare për ndeshjen e radhës në Ligën e Kombeve.
Dardanët janë mysafir të helenëve në ndeshjen e katërt të vlefshme për Grupin 3 në Ligën C të Nations League, takim ky që zhvillohet në 20:45 në stadiumin “Spyros Louis” të Athinës.
Djemtë e Bernard Challandes vijnë në këtë ndeshje nga një barazim dhe dy humbje.
Në anën tjetër, vendasit kanë një barazim dhe dy fitore, ndërsa duan fitoren e tretë me radhë për të mbajtur pozitën e parë në grup.
Challandes ka vendosur të bëjë disa ndryshime nga formacioni i fundit ndaj Sllovenisë, shkaku edhe i mungesave të shumta, ndërsa ka ndryshuar edhe modulin në 3-5-2.