Të informuarit mirë flasin për një Antoine Griezmann gjithnjë e më larg mjedisit të Barcelonës. Ndoshta jo aq shumë nga zgjedhjet e Ronald Koeman, por përjashtimi i francezit kundër Ferencvaros mund të jetë gjithashtu një shenjë.

Katër paraqitje në La Liga dhe katër zëvendësime, pa gola të shënuar, një protagonist negativ edhe në humbjen e ndeshjes së fundit kundër Getafe.

Rreziku i vërtetë është se ai do të bëhet koka turkut për një skuadër që po përpiqet të rifitojë Dembele dhe Coutinho, dy të tjerë që nuk kanë kaluar sezone të mëdha në Blaugrana.

Pas një vere që i siguroi të gjithë për qëndrimin e tij, vetë Griezmann kishte filluar t’i bënte vetes disa pyetje, duke u përpjekur të menduar një dalje të mundshme.

Ai e bëri atë vonë, në ditët e fundit të tregut, kështu që ishte praktikisht e pamundur të lëvizte. Tani duhet kuptuar: Griezmann ka një pagë prej 17 milion eurosh, një listë shumë e gjatë pretendentësh, por shumë pak mund ta përballojnë atë.

Ashtu si me klubet e tjera, mbingarkesa e pagave heq mundësitë në shitje. Me pak fjalë, Griezmann e pret një e ardhme e komplikuar, midis humbjes së pozicionit të tij fillestar (dhe atij rezervë?) dhe provimit të një aventure të re, diku tjetër, me një pagë më të ulët.