Asnjë përballje e vështirë midis Rino Gattuso dhe lojtarëve të tij. Napoli donte të mohonte me forcë lajmin e shpërndarë në orët e fundit, sipas të cilit trajneri ishte shfaqur shumë i nxehur në përballjen me grupin, pas disfatës së pësuar të dielën në mbrëmje kundër Milanit.
Klubi e bëri këtë sqarim me një postim në Twitter, përmes profilit zyrtar: “Dje, në disa portale dhe sot në disa gazeta, papritmas u shfaq historia, e shpikur plotësisht, e një grindjeje të nxehtë mes lojtarëve të Napolit dhe trajnerit Rino Gattuso. Ky është një lajm pa asnjë themel”.
Sipas asaj që ka qarkulluar në orët e fundit, përballja midis Gattuso dhe lojtarëve të tij kishte qenë aq e vështirë, sa vetë trajneri kishte kërcënuar me dorëheqjen e tij. Më vonë u fol për një takim të dytë, këtë herë me një ton më të qetë, të hënën në “Castel Volturno”.
Nella giornata di ieri, su alcuni siti e oggi su alcuni quotidiani, è improvvisamente comparso il racconto, completamente inventato, di una presunta lite dai toni accesi tra i calciatori del Napoli e Rino Gattuso. Si tratta di una notizia destituita di ogni fondamento.
— Official SSC Napoli (@sscnapoli) November 24, 2020