Pas tmerrit që përjetoi disa muaj më parë në garën e Sakhir (Bahrein), piloti francez Romain Grosjean duket se është mësuar me flakët dhe zjarrin. Këtë herë, piloti 34-vjeçar, që këtë vit garon në IndyCar, ka ndalur njëvendëshen e tij anash pistës pasi frenat morën flakë.
Ka qenë vetë piloti ai që ka reaguar i pari për të shuar flakët. Pasi zbriti nga makina e tij, ai mori një fikëse zjarri dhe nisi të shuajë flakët. Më pas mbërritën edhe komisarët e pistës dhe shuan së bashku flakët edhe pse situata ishte nën kontroll.
WOW. Romain Grosjean – the man who walked out of fire last year – just ran back to his car on fire this time to try and put it out.
Remarkable stuff from @RGrosjean. #INDYCAR pic.twitter.com/A7eWwFfbTs
— IndyCar on NBC (@IndyCaronNBC) June 13, 2021
Pamjet e Grosjean që bën zjarrëfikësin kanë bërë xhiron e botës. Kjo ka zgjuar interesin edhe të zjarrëfikësve francezë, që në faqen e tyre zyrtare në “Twitter” kanë bërë shaka me pilotin: “Romain, nëse dëshiron të bësh zjarrëfikësin vullnetar shko në kazermën më të afërt. Do të të mirëpresim, pasi i ka aftësitë për këtë punë, pasi je edhe rezistent ndaj zjarrit”.
#Engagement | Romain @RGrosjean, si tu veux être sapeur-pompier volontaire, il suffit de te présenter à la caserne des sapeurs-#pompiers la plus proche….
On t’y accueillera avec plaisir… tu as décidément toutes les compétences qui vont bien en plus d’être résistant au feu! https://t.co/BwJ1RjKKLW
— Pompiers de France (@PompiersFR) June 13, 2021
