Na ndodh shpesh të shohim konfrontime fizike mes lojtarëve në fushën e futbollit, kemi parë deri në rastet më drastike ku goditjet me duar ose këmbë nuk mungojnë.
Kështu ndodhi edhe në kualifikueset e Europianit në ndeshjen e ekipeve U17 mes Rusisë dhe Zvicrës.
Kapitenia e Zvicrës, Ella Ljustina goditi me shqelm nga pas rusen Zhoze-Diana Pamen Tchato, e cila iu kthye menjëherë me një grusht të thatë. Kaq mjaftoi që situata të rëndohet dhe sherri mori përmasa më të mëdha.
Lojtarja zvicerane u nxor jashtë me karton të kuq dhe nuk mundi t’i mbajë lotët. Gjithsesi trajneria nuk e lë të largohet pa e dorëzuar me dinjitet shiritin e kapitenes që mban në krah.