Edhe pse skuadra e Manchester City vuan për mbrojtës trajneri Pep Guardiola nuk e aktivizon portugezin Joao Cancelo (luan në krahun e djathtë), që erdhi këtë verë nga Juventusi.
Trajneri spanjoll e kërkonte me ngulm 25-vjeçarin, që këtë sezon ka qëndruar vetëm në stol. Në 5 javë të luajtura në Premier League, lojtari është aktivizuar vetëm 1 minutë.
Guardiola e ka hedhur në fushë në kohën shtesë ndaj Bournemouth. Duket sikur trajneri spanjoll nuk është ende i bindur nga aftësia e Cancelo, që pret të veshë një fanellë titullari.