Guardiola “lë pa tekst” Barcelonën; kërkon shifrën stratosferike për Bernardo Silvën

16 Gusht 2022
8:16
Alfred Lleshi
back button

Bernardo Silva po jep sinjale se nga anojnë aspiratat e tij për ta vazhduar karrierën. Edhe pse pa bujë apo kërkesa radikale, mesfushori portugez i Manchester City duket se po i jep lamtumirë klubit ku ka luajtur sezonet e fundit, sepse ambicia e tij është të nënshkruajë me Barcelonës.

Trajneri i Barçës, Xavi Hernández, dëshiron që 27-vjeçari portugez të plotësojë skuadrën e tij, por kjo varet nga klubi që do të bëjë detyrat e tij në operacionin e largimit, i cili do të kërkonte edhe një transferim të rëndësishëm, me emrin Frenkie de Jong në largim.

Kanë mbetur edhe dy javë për ta mbyllur merkaton, ndaj lojtarët dhe klubet kanë ankth për të përcaktuar të ardhmen. Informacionet që vijnë nga Anglia thonë se City nuk ia mbyll derën largimit Bernardo Silvës, por jo për më pak se çmimi që ai mendon se vlen: 100 milionë euro. “The Athletic” theksoi se nuk ka vullnet për të bërë zbritje.

Ky informacion sugjeron se City, në përputhje me atë që ka deklaruar trajneri i tij Pep Guardiola për të mos pasur njerëz të pakënaqur në skuadrën e tij, pranon synimin e Bernardo Silvës për t’u larguar, por në të njëjtën kohë e ka shumë të qartë se nuk do ta lërë pa shumën e majme.

I njëjti medium konfirmoi se City ende nuk ka marrë ndonjë ofertë formale për Bernardo Silvën dhe as ndonjë telefonatë nga përfaqësuesi i lojtarit. Kjo është arsyeja pse futbollisti përfitoi nga këto ditë të fundit për të lënë gjurmë shenjash, si p.sh. largimi nga stadiumi i City pas fitores ndaj Bournemouth (4-0) me një gjest që i ngjante shumë lamtumirës dhe, disa orë më vonë, duke postuar në rrjetet sociale një mesazh që ishte në të njëjtën linjë:

“Një paraqitje fantastike nga skuadra dhe një atmosferë fantastike! Gjithashtu do të doja të falënderoja të gjithë në stadium për ato momente të bukura dashurie dhe mbështetjeje që më treguat”.

 

Lajme të tjera

Lajmet e fundit